തെക്കുംഭാഗം
ഗ്രാമ പഞ്ചായത്ത്

പ്രകൃതിയുടെ ലാവണ്യത്തിൽ കുളിച്ചു നിൽക്കുന്ന അഷ്ടമുടിക്കായലിന്റെ റാണി- തെക്കുംഭാഗം ഗ്രാമം. തേവലക്കര, ചവറ, നീണ്ടകര പഞ്ചായത്തുകൾ അതിരുകളായ ഈ ചെറു ദ്വീപിലെ ജനസംഖ്യ 16937 ഉം കരവിസ്തീർണം 5.22 ച.കിലോമീറ്ററും ആണ്. കൊല്ലം ജില്ലാ പഞ്ചായത്തിലും ചവറ ബ്ലോക്ക് പഞ്ചായത്തിലും ഉൾപ്പെട്ട തെക്കുംഭാഗം ഗ്രാമപഞ്ചായത്ത്, കരുനാഗപ്പള്ളി താലൂക്കിന്റെ തെക്കേ അതിരായി നിലകൊള്ളുന്നു. പുരാവൃത്തങ്ങളിൽ ഇവിടം ‘മാമുകിൽ’ ആണ്. ‘മഹാലക്ഷ്മി മുകിൽ’ എന്ന പേരിൽ ആദികാലത്ത് അറിയപ്പെട്ടിരുന്ന ഇവിടം കാലക്രമത്തിൽ മഹാമുകിൽ ആകുകയും ഉച്ചാരണം ലോപിച്ച് മാമുകിൽ ആകുകയും ചെയ്തതായിട്ടാണ് നാട്ടറിവ്. ഭൂമി ശാസ്ത്രപരമായിപ്പോലും പുറം ലോകങ്ങളിൽ നിന്നൊറ്റപ്പെട്ട് വിശാലമായ കായൽപരപ്പിൽ ഉയർന്നു നിൽക്കുന്നതായിരുന്നു ഈ മൺതുരുത്ത്. കായൽ, മത്സ്യബന്ധനം, കൃഷി, കയർ വ്യവസായം എന്നിവയാണ് ഈ പ്രദേശത്തിന്റെ പഴയകാല ജീവിതാധാരങ്ങൾ.പ്രദേശത്ത് പഴയ തറവാടുകൾ, ക്ഷേത്രങ്ങൾ, പള്ളികൾ എന്നിവ...